Beesha Mareexan oo kaso horjesatay heshiiski Galmudug iyo Ahlusunna (AKHRISO)

Beesha Sade (Mareexan) oo kamid eh beelaha ugu balaaran beelaha ku midoobay maamulka Galmudug aya la shegaya in eey kaso horjesatay heshiiski u dhexeyay Dowlad Goboledka Galmudug iyo Maamulka Ahlusunna taasi oo labada maamul eey ku midooben.

Beesha aya la sheegaya in eey dhaliil santahay in Sh Maxamed Shakir uu noqdo Wasiirka koowad ee Galmudug taasi oo u dhiganto Raisul Wasare wexeyna ku andaconayan in awoodi Madaxweyne Ku Xigenka Galmudug Maxamed Xashi Carabeey eey wiiqeyso uuna noqonayo masuulka sedexaad ee u sareyo maamulka Galmudug wexeyna carab dhabeen in xilkasi uusan u cuntamin Beeshoda.

Beesha Hawiye aya heyso xilalka Madaxweynaha , Wasiirka koowad , Guddomiyaha Baarlamanka iyo Guddomiyaha Maxkamada Sare wexeyna dadka siyasada falanqeyo ku tilmaamen in awood qeybsiga Galmudug eeysan sidas ku haboneyn eeyna dhalin karto kala fogansho siyasaded oo horleh.

Geesta kale siyasiyinta iyo Xildhibanada kaso jeedo Beesha Sade oo Xalay madaxtoyada kulan casho eh kula yeshay Madaxweynaha Soomaliya Mudane Maxamed Cabdullahi Farmaajo aya laso warinaya in eey ku eedeyen in heshiiskan uu isaga garwaden ka aha balse Farmaajo aya cabashada beeshisa iska indha tiray waxana lagu sababeyay in uu ka fogaanayo in uu beshiisa u eexdo isago doonayo midnimo Soomaliyed iyo in Galmudug eey hesho xasiloni siyasaded.

Isku soo wada duubo Beesha Mareexan ay dagto waqooyiga Galgaduud hadi eeyna ka baxan maamulka Galmudug wexey noqoneysa jahwarer siyasaded oo horleh oo ka curato gobollada dhexe Soomaliya.

DHAGEYSO: Xildhibaanadii xilka ka qaadi lahaa Shariif Xasan oo Si adag uga Hadlay Saxaafada ..

Xildhibaan Dhubad Maxamed Dàhaqane oo ka mid ah Xildhibaanada maamulka Koonfur Galbeed oo warbaahinta kula hadlay Magaalada Muqdisho ayaa sheegay in ay u midoobeen sidii ay xilka kaga qaadi lahaayeen Madaxweynaha maamulkaasi.

Waxaa uu sheegay in xildhibaanada Koonfur Galbeed ay qaateen Go’aan mid ah kaasoo ah in xilka laga qaado Madaxweyne Shariif Xasan.

16-Ka Bishaan ayuu sheegay in kulanka Baarlamaanka uu ku furmi doono Mooshin ka dhan ah Madaxweyne Shariif Xasan .

Xildhibaanka ayaa sheegay in dhawaan ay tagi doonaan Baydhabo.

Maalmihii lasoo dhaafay ayaa Magaalada Baydhabo waxaa ka taagnaa xiisad siyaasadeed oo xildhibaano ka tirsan maamulkaasi ay wadeen , kuwaa soo sheegay in ay xilka qaadayaan Madaxweyne Shariif Xasan Sheekh Aadan.

HALKAAN KA DHAGEYSO..

DEG DEG: Xildhibaanada Aqalka Sare oo fariin u diray RW Khayre, kana hadlay Xiisada Hirshabelle (Daawo)

Baarlamanka Aqalka Sare ee Somalia kulan ay maanta yeesheen waxay uga hadleen xiisada siyaasadeed ee ka dhex tagan Maamulka Hirshabelle.

Mudanayaashu waxay fariin u direen Ra’iisul Wasaare Xassan Cali Khayre oo dhawaan Madaxwaynihii hore ee Hirshabeelle ku eedeeyay inuu ka danbeeyay xilka qaadistiisa.

 

https://youtu.be/czBGhqlnSzs

War Deg Dega: Puntland oo ciidamo hor leh u dirtay Buuhoodle (Daawo)

Madaxwayne ku-xigeen Dowladda Puntland Cabdixakiim Cabdilahi Xaaji Cumar Camey ayaa baaq nabadeed u diray beelaha ood-wadaagta ah ee dirirtu ku dhexmartay Magaalada Buuhoodle.

Eng. Camey waxaa uu sheegay in xukumadda Puntland ay u diray deeganadaasi wafdi isugu jira wasiiro, xildhibaano iyo qaar kamida isimada Puntland, si ay uga qayb-qataan ha kinta coladaaasi.

https://youtu.be/a60mLly7IME

Madaxwayne Ku-xigeenka Puntland oo Somaliland u diray hanjabaad culus (Daawo)

Ku-simaha Madaxwaynaha Dowladda ahna Madaxwayne ku-xigeen Puntland Cabdixakiim Cabdilahi Xaaji Cumar Camey ayaa sheegay in ciidamo hor leh u dirayso deegaanada Sool iyo Sanaag, wuxuuna timalmaamay inaysan raali ka ahayn ololaha doorayinka Somaliland ay ka wado deegaanadaasi.

“Habeen 2-aad waad ka warhaysaan wixii ka dhacay Laascaanood, kuwo ilaalinayay oo dadka deegaanka ah een… in lagu dilay, hubkii ay haysteena runtii laga qaaday, waxaa weeyaan howshaasi howl iska fashilan tay runtii weeye”  ayuu yiri Eng. Camey .

https://youtu.be/sd6K-n1_FIw

DHAGEYSO: Goobaha Ganacsiga Magaalada Baledweyne oo weli xiran iyo Sababta keentay…

Wararka inaga soo gaaraya Magaalada Beledweyne ee xarunta gobolka Hiiraan ayaa waxa ay sheegayaan in maalintii labaad ay xiran yihiin goobaha Ganacsiga Magaaladaasi.

Dadka ku sugan Magaalada ayaa saakay Warbaahinnta u sheegay in ay dhibaato xooggan ay soo wajahday Maadaama ay wali xiran yihiin goobaha Ganacsiga ee Magaalada.

Sicir Barar ayaa ka jira Magaalada waxaana maamulka gobolka Hiiraan soo wajahay jahwareer ku aadan sida arintaasi loo wajahaayo.

HALKAAN  KA DHAGEYSO

Warar kala duwan ayaa ka soo baxaya sababta loo xiray goobaha Ganacsiga Magaalada Baledweyne, iyadoona wararka qaarkood ay sheegayaan in Al-Shabaab degaanada gobolka Hiiraan ay ka maamulaan ay ku Amreen dadka in aysan isticmaali karin lacagta Shillin Soomaaliga.

Amarkan ayaa la sheegay in uu sababay in Magaalada la soo galiyo Shilin Soomaali aad u fara badan oo laga keenay degmooyinka gobolka Hiiraan.

Wararka hadda naga soo gaaraya Magaalada ayaa waxa ay sheegayaan in maamulka gobolka Hiiraan uu bilaabay in xoog lagu furo dukaamada cidii diidana tilaabo laga qaado

Ururka MAP iyo Xukuumada M.Gaas oo khilaaf soo kala dhex-galay, Sababta (Daawo)

Magalada Garowe ayaa malinimadii 2/07/2017 waqtigii duhurnimada waxaa saldhiga booliska dhexe ee magaalada Garowe lagu xirey wariye Axmad Cali Kilwe.

Macada sababta dowlada u xirtay Wariye Kilwe, balse warar ay helay Shacabka New ayaa sheegay inuu la xiiiro qorma yar oo uu ku daabacay Bartiisa Facebook-ga. HALKAN KA AKHRISO.

Dhinaca kalle, xariga wariyaha waxaa ka dhashay khilaaf soo kala dhex-galay xukuumada Madaxwayne Gaas iyo Ururka Suxufiiyiinta Puntland ee MAP oo u doodaysa xuquuqda Wariye Kilwe.

MAP oo xariga saxafigan ku eedaysay Madaxtooyada ayaa sheegtay inaan waxba laga socodsiin Ururka MAP, islamarkaana maxkamad la soo marin, taasina ay ka hor imaanayso sharciga Puntland.

Cumar Siciid Maxamed Uqareemida  iyo xiriirka wariyaasha ee Ururka MAP oo warasysi siiyay warbaahinta Garowe ayaa ka hadlay khilaafka soo kala dhexgalay iyaga iyo Xukuumada Madaxwayne Gaas.

https://youtu.be/x3KDUoiTXwo

DHAGEYSO: Maleeshiyaadka Galmudug oo weerar Gaadma ku Qaaday Degmada Saaxo oo ka tirsan Puntland…

Maamulka degmada Saaxo ee gobalka Mudug ayaa daaha ka rogay in ay ciidamo katirsan Galmudug weerar ku soo qaadeen deegaanadaas, isla markasna uu geysta dhimasho iyo dhaawac soo kala gaartay labada dhinac.

 

RIIX OO HALKAAN KA DHAGEYSO

Gudoomiyaha degmada Saaxo ee dawladda Puntland Jamarti Yuusuf Ibraahim ayaa u sheegay warbaahinta gudaha, in dagaal ay ku soo qaadeen Galmudug.

Mr, Jamarti ayaa sheegay in ay dadka deegaanku iska difaaceen weerarkaas, wuxuuna cadeeyey in ay hadda wali cabsi dagaal laga qabo goobahan.

Khasaaraha uu geystay ayuu sheegay in ay labada dhinacba kala gaareen dhimasho iyo dhaawacba, walina Galmudug kama aysan hadlin xaqiiqada wararkan.

Warar madax banaan ayaa sheegaya in maleeshiyaad kasoo jeeda Galmudug ay weeraradaas ka dambeeyeen, sidaas oo kalena ay jiraan kuwa kale oo cabsi laga qabi karro.

DHAGEYSO: R.W Ku xigeenka oo faah faahin ka bixiyay shirkii London..

Ra’iisul Wasaare ku xigeenka dalka Abuukaate Mahdi Maxamed Guuleed ayaa faah faahin ka bixiyay shirkii shalay lagu soo gaba gabeeyay Magaalada London.

Waxa uu sheegay shirka in diirada lagu saaray sidii wax looga qaban lahaa Arrimaha Amniga, Abaaraha, Kobcinta dhaqaalaha, Siyaasada, Dib u eegista Dastuurka iyo Wadashaqaynta Beesha Caalamka iyo Dowladda 4-ta Sano ee soo socota.

Sidoo kale Ra’iisul Wasaare ku xigeenka ayaa sheegay masuuliyiintii shirka ka soo qeyb galay in ay balan qaadeen in ay gacan weyn ka geysan doonaan xaalada Soomaaliya gaar ahaan Abaaraha.

RIIX OO HALKAAN KA DHAGEYSO.

Abuukaate Mahdi Maxamed Guuleed Ra’iisul Wasaare ku xigeenka dalka ayaa sheegay rajo weyn in ay ka qabaan sidii isbedel loogu sameyn lahaa Soomaaliya, maadaama ay heystaan balan qaadyo waa weyn.